An Leon, an Bandraoi agus an Prios Éadaigh (ePub)

I mBéal Feirste a rugadh C.S. Lewis sa bhliain 1898. Scríbhneoir, scoláire agus diagaire a bhí ann. Chaith sé tréimhse fhada (1925-54) ina léachtóir le litríocht an Bhéarla in Ollscoil Oxford, agus ina dhiaidh sin ina Ollamh le Litríocht na Meánaoiseanna agus an Renaissance in Ollscoil Cambridge (1954-63). Cé gur scríobh sé ar mhórán ábhar éagsúil is é an t-ábhar ficsin a tháinig óna pheann is ea is mó a thuill cáil, go háirithe Croinicí Nairnia. Fuair se bás bhliain 1963.

Rugadh Antain Mac Lochlainn i gCúil Raithin, Contae Dhoire in 1965. Tá B.A. agus Ph.D. sa Léann Éireannach aige ó Ollscoil Uladh ar an mbaile sin. Tá tréimhsí caite aige ag obair le Foinse, Bord na Gaeilge agus RTÉ. Tá sé anois ina eagarthóir ar an suíomh acmhainní Gaeilge,www.aistear.ie. D'fhoilsigh Cois Life treoirleabhar leis faoi cheird an aistriúcháin, Cuir Gaeilge Air (Cois Life, 2000), agus treoirleabhar eagarthóireachta leis, In Ord is in Eagar (Cois Life, 2009). Tá sé ag obair ar eagrán nua de In Ord is in Eagar a fhoilseofar in 2015. Tá leabhar nua idir lámha aige, Cruinneas, ar cnuasach aibítreach é de na focail agus de na struchtúir ghramadaí is minice a bhaineann tuisle asainn. Beidh an leabhar seo ar fáil in 2015 freisin. Tá duaiseanna agus sparánachtaí bainte aige dá shaothar ficsin ón gComhairle Ealaíon, ó Sheachtain na Scríbhneoirí, ó Oireachtas na Gaeilge, agus ó Chomórtas Gearrscéalta Francis McManus RTÉ. Bhí a chéad úrscéal, Ruball an Éin (Cló Iar-Chonnachta, 2005), gearrliostaithe do Dhuaiseanna Glen Dimplex 2006. D'fhoilsigh Cois Life Malairt Scéil: Nuascéalaíocht ó Albain in 2006.

Dieses eBook können Sie uneingeschränkt auf allen Geräten der tolino Familie lesen. Zum Lesen auf sonstigen eReadern und am PC benötigen Sie eine Adobe ID.